FjordSafari Basic & vandretur til geitestølen Leim

Eit stølseventyr med fjord og geiter!

1 JULI – 15 AUGUST
Turen startar i Flåm med FjordSafari Basic, som går inn i åpninga av Nærøyfjorden med den storslagne Sagfossen som vendepunkt. På veg attende legg me til ved bryggja Skjerdal i Aurlandsfjorden. Derifrå startar fotturen opp til Skjerdal stølsysteri og Kafe.
I byrjinga går me delvis på sti og bilveg oppover mot gardstunet i Skjerdal. Herifrå føl me gamlevegen opp til målet, sommarstølen Leim. Heile vegen har me det særeigne fjordlanskapet i bakgrunnen, med flotte fossefall og historisk kulturlandskap. Vandreturen frå fjorden og opp til sommarstølen tek om lag 1,5 time og er rundt 3 km lang.

På Leim er det omvisning og innføring i tilverkinga av geitosten. Etterpå nytast heimelaga gardslunsj ute på terrassen med ost til forrett og hovudrett basert på lokale og eigne råvarer. Det vert tid til å nyta utsikta og helsa på geitene før me vandrar attende til gardstunet i Skjerdal og returnerar til Flåm med bil.

Turen kan gjennomførast i all slags vèr. Det krevst ingen forkunnskap av deltakarane, men du bør ha bra fysisk form for å gå opp bakkane. Turen passar for dei som ynskjer ei aktiv og anleis oppleving av Aurland og dei særeigne tradisjonane du finn her i området. Turen går frå 0 til 360 høgdemeter.

Klær:
Du treng gode tursko og vanlege uteklede, eventuelt regnklede. Drikkeflaske må vera med.
Er ikkje anbefalt for dei minste og eldste.

VARIGHEIT: 5,5 - 6 timar
INNSJEKK: 20 min før avgang i FjordSafari Resepsjon, Flåm indre hamn
PRIS: Voksen: NOK 1595, - Barn: NOK 1075,-
BOOKING STENGER: 18 timar før
KANSELLERINGSFRIST: 72 timar før avgang